Pranata Adicara (Bahasa Jawa)

Contoh Pranata Adicara dalam Bahasa Jawa "Hari Suci Nyepi"

Nuwun sewu dumateng para sepuh pinisepuh, bapak ibu umat sedharma ing ngriki kula nggadahi jejibahan pranata adicara badhe nyigeg dumateng panjenengan sedaya.

Dumateng para mangku ingkang sampun kasuciaken, dumateng para sepuh pini sepuh ingkah tansah pantes sinudarsana, ingkang kinurmatan PHDI-WHDI ugi pangembat pangembating praja ingkang sampun rawuh, ingkang kawula hormati ketua panitia Hariadi Suci Nyepi tahun 1443 saka ugi sedayanipun, ingkang kawula hormati ketua peradah Dusun Ampelantuk ugi sakjajaranipun, ingkang kawula tresnani sedaya umat Hindu ingkang sami ngempal wonten panggonan puniki.

Sakderengipun kula mboten kesupen ngaturaken salam pangayubagya “Om Swastyastu”,

Bapak Ibu umat sedharma sumangga sepindah kita sareng-sareng ngaturaken puja pengabhakti dumateng ngarsanipun Gusti Sang Hyang Widhi mugi-mugi ing dinten puniki kula lan panjenengan sedaya pikantuk Waranugraha ugi jejibahan kita ing dinten puniki pinaringan lancar mboten wonten satunggal halangan punapa, kaping kalihipun sumangga ngaturaken puja bhakti dumateng para Maharsi, Para Pujangga, Para Empu ingkang sampun paring suluh ugi pitutur dumateng kita sedaya lan utamanipun nggih menika Maharsi Wyasa ingkang sampun pinaring ajaran suci wonten ing Kitab Suci Bhagawad Gita, Kaping tiga sumangga kita ngaturaken sungkem angayu bagya dumateng para leluhur ingkang sampun pinaring tuntunan kang becik dumateng kita sedaya.

Bapak ibu ugi para umat sedharma wodene rantaman adicara ing dinten puniki nggih menika:

1.      Pambuka

2.      Weda Wakya

3.      Atur Pambagya

4.      Panutup

Bapak ibu umat sedharma, rantaman adicara ing dinten puniki sampun paripurna. Kula pranata adicara menawi wonten lepat anggenipun kula mbagi wekdal ugi kula klintu anyebut asma lan pangucap ugi pamikiran ingkang mboten ceceg. Kula manungsa lumrah nuwun anggunging samudra pangaksami dumateng ngarsanipun manah panjenengan sedaya. Kanggo pamungkasing atur kula aturaken puja parama santih,

Om Santih Santih Santih Om